Pol Greisch

Ale Jong

 Wat brauchs de méi
Ale Jong
fir net eleng ze sinn 

Een Ament
engem Kand an d’Ae kucken
d’Iris gréngelzegblo
an derhannert de Schellem

Engem Meedche vläicht
vläicht enger léiwer Fra

douce
iwwert d’Bake fueren

de grâce
iwwert d’Lëpsen
pêches pulpeuses

a spieren
duerch d’Fangerspëtze spieren
bis an d’Gehier
e klinzegt Gléck
an du frees dech
wi fréier

 

2008